2011年4月29日 星期五
2011年4月27日 星期三
Onitsuka Tiger 運動鞋
已不知由何時開始，我已再沒買三間/一剔的運動鞋，
我嫌它們較為笨拙，好似大大份咁。
所以，我都買Onitsuka Tiger的。
我記得這牌剛到港，價格都較貴，
但現在都變得平易近人多了。
我這對都只是$750，恆生卡仲有10%OFF。
因為都是在夏天or陽光天才會穿運動鞋嘛~
這對都是織布，好舒服，真係好舒服，
著了它到了澳門走了一整天沒停過都好舒服!!!
可是鞋頭部份是「驚」皮，是漂亮，但一髒了便洗不掉。
還好這對是米色的，不是純白，髒了都唔太覺。
鞋頭靚，鞋爭位都好靚^0^
印有Tiger字樣，好鐘意隻字型~
其實這對鞋都是"Couple Shoes"喇，是李大少嚷著要買的。
喜歡Tiger其中一個原因就是可以一家大細都著同一款鞋呀，
是一模一樣的說哦！同一對鞋，有Men, Woman and kids size~好正!
話說我們一向都是說"Tiger鞋"，不會說它全名"Onitsuka Tiger"，
我明明記得Times Square有分店的，
點知李大少在水牌找極都話找唔到，
咁我地就放棄，走人~
咁我好唔gur ma~明明我呢個行街達人記得有架嘛!!肯定有!!
最後我地折返……
原來李大少找水牌時只係搵「T」字頭……
冇搵「O」字頭....
唉~哈哈哈哈哈哈哈哈哈哈哈=)
2011年4月26日 星期二
我會懷念您——退役了的BV銀包
這個便是退役了的BV銀包，
是我第一份送給我老公的生日禮物，
也是我人生中第一對情侶銀包。
都幾有紀念價值架，都用左差唔多3年。
我的是墨綠色，他的是灰色。
不過說真的，我自己不是很喜歡它啦，
買它都是因為那時老公說很想要一個出自BV家的銀包，說很有型 =0=
我想他應該好喜歡吧，他還在用……
對我來說太男性化了，我都不知那時發了咩神經，
聽sales姐姐講要墨綠色……勁後悔。
不過，我記得那時他好似真心被感動的說：
「我從來未收過女孩子送我禁貴既禮物……只有我送出去……」
都覺得買得好值。
哈哈，沒想到，我們一起都快3年了。
希望我倆的感情不會「退役」吧^^
我的第一個長銀包出自♥Chanel♥家
我才不會這樣捨得，用二千個M記雪糕來換這個銀包，
放在包包裡的銀包，二千幾蚊已是我的上限。
這是我老公送我的生日禮物。
他送我的時侯說：「我睇就見到Haze個名啦，有您最愛的淡粉紅，又有個小小的暗花，低調既型，內儉既勁，仲唔係您最愛?」^o^
這銀包的確是很美的喇，但也太易弄髒了吧。
我這個破壞
王要超級極度非常小心咁保護佢，
因為一髒了，這個漂亮的粉紅變會變成粉灰=核突 = ="
用左一排，發現……
長銀包的好處：d錢錢唔會鬈、擺到無數張卡、有強大的散子位、高貴d(個人認為啦下~)、放入大袋易搵d~
長銀包的壞處：銀包size大成一倍，入唔落d細細袋or已霸左一半既位置、do八達通時會do唔中位，因為太長、心驚驚，成日驚個袋開左會俾人順手牽羊，面積禁大，易偷好多war~
要解決呢d問題，就係要買多個卡片套~呵呵呵!!!
多謝老公~♥
2011年4月25日 星期一
Grace Gift 粉色仿皮+牛仔粉藍蝴蝶結拖鞋
很喜歡2011的春天，不潮濕又涼快，還配上剛剛好不太猛的陽光，真好。
大家也開始換上新裝了吧，吊帶短裙熱褲背心……還有涼拖。
我在上年秋季已看中了這對 Grace Gift 蝴蝶結拖鞋，
但因為都快轉季，買來都只是用黎擺，加上都斷色斷碼了，
所以今年一再出，就即買，仲要一買買兩對，哈哈哈! ^0^
兩對雖然好似一樣，但其實好唔同的喇……(真架~真架~)
一對係粉色仿皮；另一對係粉藍牛仔布嘛~
質地都唔同啦啦啦啦啦啦啦………
其實都不是第1次買Grace Gift，都知質地幾好，包裝了靚，
細節位做得都幾靚，一睇個心心就知，車線都好整齊，
有日我著粉紅色那對到李大少家，配上白色連身裙，李媽媽都話靚**=)
仲架多句：好可愛~襯您!! (Oh.......我廿幾歲仲俾人話可愛，這是讚美嗎……= =")
牛仔布個對，我未著過，仲乖乖係鞋盒睡眠中。(個人偏好粉紅色多d嘛~)
粉紅色那對著了3、4次，發現鞋底真係有d硬，著住行好耐(即喪行大半日shopping個隻)就真係唔太得，會有d痛，夾鞋個度都會痛痛地，但如果只係行2個鐘度個隻就okay，冇問題，
有次我著佢仲無啦啦著狗屎，都幾好喎，一d都唔冼腳，
番到屋企對鞋濕到可以滴水，但個鞋底都仲好強硬，唔似有d鞋會淋淋地，
又一次証明，對鞋真係好硬淨，有好有唔好啦，
不過佢禁可愛既造型，又粉嫩既顏色，仲有強大無敵既雙層蝴蝶結war~
點都♥值回票價♥既!!
每對$258人仔連郵費
訂閱：
文章 (Atom)